تبلیغات
خاطرات فرات - قطعه شعری به زبان شیرین طبری
تاریخ : دوشنبه 5 مرداد 1394 | 09:09 ق.ظ | نویسنده : محمد زارع پور
این قطعه را چند سال پیش از همه این شعرها و در بی وزنی کامل ! سروده ام . دیدم چند وقتی است طبع شعرم مرا تحریم کرده، گفتم به گذشته ها رجوع کنم ببینم چه می گفتم ، امید که مقبول طبع مردم صاحبنظر شود

صوا سری که هوا دریای رو را شورنه    

افتاب آماده بونه ، کوه جا بالا شورنه

 دل جا آه کشمه آهی که تا ما شورنه        

آخه مه ورجا یار امروز و فردا شورنه

 

 چی تی من داد نزنم دل چی تی ناوه پاره

 آخــــه    این  روزا   بومه   دربــدر  و   آواره

 

 صبدم دریای ور مه چش سو را دکته          

شه دله بزو به دریا و به دریا دکته

 وه جلو بورده و مه دل ونه همرا دکته           

ونه دیم دله هم افتاب و هم ما دکته

 

 وه دره شورنه مه چش دریای واری پر او

 دیگه بعد از  وه ناروز دارمه خدایا و نا شو

 

 ونه عشق جا مه دل سرشن و مالاماله         

وره یک لحظه نوینم مه وسه صد ساله

 انه بی رحم نواش شورنی هارش دماله        

تــــــه قشنگی کجه و   باغ  گل  آلاله

 

 که بونه ته مه گل و من تسه بلبل باوم

 هنیشم ته پلی و درد و  غم  دل  باوم

 

 من ونه عاشقمه وه مه جا سرسنگینه             

نا جوونمردی این کار و نا رسم دینه

 دره شورنه ولی من دومه که آخر اینه              

ونـــه غم تله ولی وقتی بیه شیرینه

 

 والله   این   دنیا که    من  بدیمه مشکل دارنه

 لب و دیم و سر و رویی که مه خوشگل دارنه

 

 آقا جان مه دل و جان ته غم جا خون بیه     

هم  مه روز ، زار بیه هم شو پریشون بیه

 آه و زاری مه کار صوب تا  نماشون بیه      

ته   غم عشق جا  مه دل   دل مجنون  بیه

 

چتنه پشت در میکده   زانو    بزنم

 هنیشم از ته دل نعره یا هو   بزنم

 

آقا جان مه تن جا جان دره بیرون شونه     

عوض برمه چش اصلی جا خون شونه

 آه از اون آهی که ازداغ عزیزون شونه  

ته شه دونی چی جوری دوره هجرون شونه

 

دیگه  نا  صبر بمونسه  نا  طاقت آقا

 کی   به آخر  رسنه  دوره  غیبت آقا

 

کی بونه من آقای سبز قوا ره بوینم                 

کی بونه منتقم آل عبا ره بوینم

 ونه دست دله شمشیر خدا ره بوینم                

پرچم خونی دشت کربلا ره بوینم

 

 برو تا   دنیا بوینه  امه  مولا  بیمو

 مهدی  آل عبا  یوسف  زهرا  بیمو

 

 مه سرو جان ته فدا چنه تنایی  مولا            

برو که بی ته مه دل نارنه صفایی مولا

 هم مه دردی ته و هم درد دوایی مولا        

نا مه عشقی که ته معشوق خدایی مولا

 

 ابــر  اگه  تسه   نواره   بسوزه    ابـــر درون

 تره دوست دارمه تا اونروز که بورم قبر درون




  • سیستان منت
  • خنجر
  • کارت شارژ همراه اول