تبلیغات
خاطرات فرات - تقدیم به شهدای مدافع حرم با حال و هوای این روزهای سیاست

اهل بیت حرمسه جان هدائن خاره

وشونه صحن و سرا ره خاش هدائن خاره

کربلا سوریه ره تن تن بوردن خاره

 دره جان دنی به جان یا علی باتن خاره

خدا بنویشته امه جان درون یا حیدر   

دل گپ از صوایی تا نماشون یا حیدر

 

لشگر مازرونی صواسری را دکته     

شه دله بزو به دریا و به دریا دکته

سوریه بوردنه دل وشون همراه دکته     

مره یاد روضه ظهر عاشورا دکته

امام حسین دشیه دم بهیته یا علی ره     

اتا خاخر خاش هدا برار خشک گلی ره

 

یا علی یا مهدی یا زهرا بسم الله        

هرکی جا بمونسه از شهدا بسم الله

هرکی دارنه شوروشوق جبهه ها بسم الله    

هرکی دارنه هوس کرببلا بسم الله   

دواره عطر شهیدا بیمو شهر درون      

جوونای قد وبالا بیمو شهر درون

 

آی شهیدای حریم حرم صبر سلام     

به امه خشک زمین آسمون ابر سلام

مه برارون تک تک مازرون ببر سلام   

داعشی های وسه بکنینی قبر سلام

من شمه تیر بخرده سر قاربون باوم    

شمه اون خون دکته چشمه پریشون باوم

 

حاج رحیم کابلی تیر بخرده ته دل ره 

جان جا برکت هدایی تو زمین گل ره

خون جا رنگ بزویی آخرت منزل ره  

چه قشنگ سر بپرسی تو صراط پل ره

حاج رحیم یکه سوار یل خان طومانه     

سوریه امن باشه امنیت ایرانه

 

مه برار اتا دیگه شیر سوار بلباسی    

سپاه کربلا ره اته تیکه الماسی

دشمنون ره هکردی با شه حماسه عاصی 

حضرت زینب وسه کلهم عباسی

من ته جور شیر بومه ببر بومه مرد بومه ؟  

ابو سفیان وچون جا هماورد بومه ؟

 

رادمهر ساروی سر به سر خون بزو     

لشگر تکفیر ره بورده شبیخون بزو

دشمن ره اتا اتا وسط میدون بزو       

شه اسم آخر سر جزو شهیدون بزو

ته بلاره مه برار من ته قد و قامت دور    

جبهه جنگ دله هاکردی قیامت دور

 

افتخار کرد و ترک و بلوچی و عرب    

اهل رزمنی شما هفت تپه تا ادلب

پاسداری قسم بخرده خانوم زینب    

بوردنی سمت خدا از خان طومان حلب

دیگه هیچوقت نیه کشورسه اون روزا         

که شمه خون دکفه دست سیاست بازا

 

شیعه خون رج غزه تا تهران گره            

عراق و سوریه و لبنان و ایران گره

محور مقاوم پیر جماران گره                 

امه ناقابل جان امه آقا جان گره

کل داعش ته وسه هسه ترقه بازی       

وقتی 80 میلیون درنه ته سربازی

 

آقا جان مه چش سو خامنه ای سیدعلی     

شک ندارمه هسه امر شما امرعلی

حکم هده فتوا هده تا که به فتوای ولی   

سوریه ره هکنه مازندرون پشت و پلی

سهم صدتا مثل من باوه شهادت باوه     

مهم این مطلبه که حفظ ولایت باوه

 

آی شمر توله ها النصره آی داعش    

حیدر شیروچون هسمی ما پشت در پش

شیعه رسم نیه عجز و فرار و خواهش     

شمه این دنیا و اون دنیا ره زمی آتش

شمه نامردای مرگ خور هم اینه       

روز پاره بین شمه جیگر هم اینه

 

بدی که تا امه فرماندهی چشمک بزو

سپاه شمه باورت انباره  فندک بزو

هنیشته پاوه و دیرالزوره موشک بزو

موشکه به شاخ اون شاخدار لیسک بزو

موشکه بزو که تا اشدوس هده دنیا ره

مخصوصاً روحانی های عشق آمریکا ره

 

 

آی آمریکا ته خانه بی امه اوی دله    

ته امه اوی دله اینی ولی خوی دله

تره دار زمی اما دشت دله کوی دله    

ته نفس وریمی ساحل و دریوی دله

کاری کمی که شمه سربازا زانو بزنن         

شه زبون جا امه قایقه پارو بزنن  

 

قصه رفاقت سگ و بامشی غلطه           

وشنا کفتارای جا نرم بواشی غلطه         

وشون زوزه ها ره فقط هارشی غلطه     

شیر مردای جوری نعره نکشی غلطه

اگر خزر بنشایی و وه طارم بیه                      

منم باور کمه که اوباما آدم بیه

 

آی رشنق که ته دست کلی دره باگوشه        

بهوتی که اوباما مودبه با هوشه  

بخدا که اوباما ضحاکه مر بر دوشه             

لایق مثل ترامپ دریای آب جوشه

وشونه سمت نشور، آقا جا دور نواش         

بنی صدر دستوری جاسوس مزدور نواش

 

ایران حیثیت ره مفت به بازارنده               

تو که زورزور بیمی اینجوری زارزار نده

ویشتر از این امه آقا جانه آزار نده            

برجام و 2030 جا ملت دست کار نده

شیخ حسن مستی نکن،اوسار مستی ره بکش

ترمز دستی آمریکاپرستی ره بکش

 

اگه خوانی بوینی غیرت ایرانی ره

آی ایرانی نوین ظریف و روحانی ره

سربالا بیار هارش سردار کرمانی ره

جیگر خامنه ای قاسم سلیمانی ره

ونه دست داعش مثه شتال بهی انجیله

یک تنه وسه حاجی ارتش اسرائیله

 



  • سیستان منت
  • خنجر
  • کارت شارژ همراه اول